Цахим хэлбэрээр зохион байгуулагдах “Life Unstoppable” нэртэй арга хэмжээний үеэр үүрэн утас, төхөөрөмж, телевизор, гэр ахуйн цахилгаан хэрэгслийн сүүлийн үеийн загваруудыг танилцуулахаар бэлдэж байна. Зочид виртуал орчинд “Samsung” брэндийн шинэ бүтээгдэхүүнтэй танилцах боломжтой.

Ирэх наймдугаар сарын 5-нд тус корпорац хэрэглэгчиддээ бас нэг бэлэг барихаар бэлтгэжээ. Мөн л цахим хэлбэрээр болох “Samsung Electronics - Galaxy Unpacked” арга хэмжээний үеэр таван шинэ бүтээгдэхүүн танилцуулахаар зэхжээ. Ёнхап агентлагийн мэдээлснээр, фаблет Note 20, эвхдэг “Fold 2” болон “Flip 5G” үүрэн утасны загварууд, “Buds Live” утасгүй чихэвч, “Watch 3” ухаалаг цагийг танилцуулах аж.