УИХ-ын гишүүн асан Д.Дамба-Очирт холбогдох хэргийн шүүх хурал өнөөдөр /2020.08.19/ Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд болно. Шүүх хуралдааныг 09:00 цагт товлосон.

Өнгөрсөн долоо хоногт түүнд холбогдох хэргийн шүүх хурлыг товлосон ч шүүгдэгч Д.Дамба-Очир өмгөөлөгчөөсөө татгалзсан юм. Улмаар шүүх бүрэлдэхүүн шинэ өмгөөлөгчид нь хавтаст хэрэгтэйгээ танилцах хугацаа олгосон юм. 

Шүүгдэгч Д.Дамба-Очирыг эрх мэдэл, албан тушаалын байдлаа ашиглаж Жижиг, дунд үйлдвэрлэлийг хөгжүүлэх сангаас их хэмжээний зээл авсан хэрэгт яллагдагчаар татан, хэргийг шүүхэд шилжүүлээд байгаа билээ.