Метроны буудалд байрлах METRO FARM  гэх ногооны аж ахуйд нарийн ногоо тарьж байна.Энэ нь холын ирээдүйн зорилго биш, өөр улсын тухай ч биш Cолонгос улсын тухай юм. Солонгос улсад нэг жилийн турш нарны туяагүй өрөөнд нарийн ногоо тарьдаг “ смарт ферм”( smart farm) технологи нэвтэрсэн байна.

Ингэснээр БНСУ метроны буудалд Смарт ферм ажиллуулж байгаа анхны улс болжээ. Сөүлийн метроны 7-р шугам Сангдо буудалд в1 давхарт үйл ажиллагаа явуулж байгаа уг ферм хэд хэдэн салбартай юм байна. Сангдо буудалд байралдаг ферм нь нийт 7043 ширхэг суулгацтай бөгөөд (ойролцоогоор 231мк) салат хийхэд ашигладаг нарийн ногоо бөгөөд бүгд Европын сортууд ажээ.

Үйл ажиллагаа эрхлэгчийн хэлснээр адил төрлийн фермэр хийдэг хүмүүст муу нөлөө үзүүлэхгүйн тулд европ сорт хэрэглэж байгаа гэжээ. Хүнсний ногоонд хэрэгтэй шим тэжээл,ус, бордооны асуудлыг автоматаар шийдсэн бөгөөд бүгд дахин ашиглагдах юм байна. Дулаан нь 20-24 ГРАДУС, чийгшил нь 65-75% байх ажээ. Мөн ногоо тарих хүний оронд робот ажилдаг байна.