“М Си Эс” группын Дэд ерөнхийлөгч, “Шарк” Д.Энхтүвшин зүрхний ховдлын цоорхой оноштойгоор 12 жилийг өнгөрүүлж буй 13 настай Сараана охинд 10 сая төгрөгийн буцалтгүй тусламж үзүүлжээ. Тэр охин Орхон аймагт амьдардаг бөгөөд айлын том. Мөрөөдөл нь бүжигчин болох гэнэ. Мөн тун удахгүй хоёр ихэр дүүтэй болох гэж байгаагаа ч уулзалтын үеэр дуулгажээ.

Тэрбээр “Зүрх мартахгүй” төслийн хүрээнд хагалгаанд орох гэж байгаа аж. Нийт зардал нь 14 сая төгрөг агаад аав ээж нь хамаатан садангуудаасаа дөрвөн сая төгрөг цуглуулаад байхад нь Д.Энхтүвшин уулзаж, ийнхүү тусламжийн гараа сунган шаардлагатай төсвийг нь бүрдүүлж өгчээ.

Мөн энэ өдөр Д.Энхтүвшингийн хуримын 20 жилийн ой тохиож буй тул гэр бүлийнхээ хүнтэй хамт гардуулсан байна.