ЗХЖШ-ын даргын тушаалаар эрхэлсэн албандаа үр бүтээлтэй ажиллаж байгаа зарим дэд хурандаад албан тушаалын зэрэглэлийн дагуу хурандаа цол олголоо. БХЯ, ЗХЖШ-ын Үйлчилгээ, аж ахуйн хэлтсийн дарга, дэд хурандаа Ж.Чогсомжав, ЗХЖШ-ын Сургалтын хэлтсийн ахлах мэргэжилтэн, дэд хурандаа Э.Мөнх-Оргил, Зэвсэгт хүчний Хуурай замын цэргийн командлалын артиллерийн дарга, дэд хурандаа С.Ууганбаяр, Зэвсэгт хүчний Агаарын цэргийн командлалын Агаарын довтолгооноос хамгаалах хэлтсийн радиотехникийн ахлах офицер-ерөнхий инженер, дэд хурандаа Ш.Аюурзана, ОБЕГ-ын Захиргааны удирдлагын газрын Сургалтын хэлтсийн дарга, дэд хурандаа Б.Анхбаяр нарт хурандаа цол олгосон юм. ЗХЖШ-ын дарга, хошууч генерал Д.Ганзориг шинэхэн хурандаа нарт хандан “Цол нэмнэ гэдэг эрх мэдэл ахихын нэр биш. Үүнээс илүү үүрэг хариуцлага та бүхэнд ногдож байгаа гэсэн үг.

Эрхэм хүндтэй цолныхоо эзэн нь байж, эрхэлсэн албандаа улам их амжилт гарган ажиллаарай” гээд баяр хүргэж, амжилт хүслээ.

Эх сурвалж: ЗХЖШ