Вирус судлалын лабораторид 673 сорьцод шинжилгээ хийхэд нэг хүнээс коронавирус илэрснийг Эрүүл мэндийн яамнаас мэдээллээ.

ХӨСҮТ, ЗӨСҮТ, Дархан-Уул, Сэлэнгэ аймгийн вирус судлалын лабораторид эдгээр шинжилгээг хийсэн юм. 10 дугаар сарын 25-ны байдлаар коронавирусний халдвартай 26 хүн эмчлүүлж байгаагийн 20-ийнх нь биеийн байдал хөнгөн, зургаа нь хүндэвтэр байна. Манай улсад коронавирусний халдвартай нийт 338 тохиолдол бүртгэгдснээс 312 хүн эдгэрч, 300 хүн ажиглалтаас гарчээ. Одоогоор 3840 хүн тусгаарлалтад байна.