Цар тахал дэгдэж эхэлснээс хойш Дэлхийн эрүүл мэндийн байгууллагын төв байранд коронавирусний халдварын 65 тохиолдол бүртгэгджээ. Энэ тухай ДЭМБ-ын шинжээч Мария ван Керкхове мэдэгдэв.

“Бусад байгууллагын нэгэн адил бид халдварт өвчний нөхцөл байдлыг ажиглаж байгаа. Цар тахал дэгдэж эхэлснээс хойш ДЭМБ-ын төв байранд халдварын 65 тохиолдол бүртгэгджээ. Сүүлийн долоо хоногийн хугацаанд 5 тохиолдол илэрсэн байна” хэмээн тэрбээр хэлжээ.

“Өвчний тархалтыг зогсоохын тулд бид шаардлагатай бүхий л арга хэмжээг авч хэрэгжүүлж байна. Тодруулбал, бид тусгаарлалтын дүрэм журмыг мөрдөж, агааржуулалтыг шалгаж, хонгилд тэмдэглэгээ хийж, бусад арга хэмжээг авч байна” хэмээн Мария ван Керкхове онцлов.