Канадын Эрүүл мэндийн яам “Pfizer-BioNTech” компанийн “COVID-19”-ийн вакциныг хэрэглэхийг зөвшөөрлөө.  “Энэхүү вакцин вакцин аюулгүй байдал, үр дүн, чанарын хатуу шаардлагыг хангасан” гэж Эрүүл мэндийн яам мэдээлжээ. Ерөнхий сайд Жастин Трюдогийн мэдээлснээр, Канад энэ сард 249 мянга хүртэлх тун вакцин хүлээн авах төлөвтэй байгаа ажээ.

Канадын Засгийн газар нийтдээ 20 сая тун вакцин худалдан авахаар тохиролцсон нь 10 сая хүнийг дархлаажуулахад хүрэлцэх юм. Их Британи мягмар гарагт “Pfizer-BioNTech”-ийн вакцинцуулалтын хөтөлбөрийг эхлүүлж, 90 настай эмэгтэй вакцин хийлгэсэн эхний хүн болсон билээ.

Бахрейн улсын хувьд уг вакциныг яаралтай тусламжийн зориулалтаар ашиглах зөвшөөрлийг олгоод байгаа ажээ. Мөн АНУ-ын Хүнс, эмийн хяналтын удирдлагын газар “Pfizer-BioNTech”-ийн вакциныг хэрэглэхийг зөвшөөрөх эсэх талаар өнөөдөр хуралдана.