Хэд хэдэн улсад коронавирусний мутаци бүртгэгдсэнтэй холбоотойгоор Саудын Араб олон улсын нислэгээ түр зогсоож буйгаа мэдэгджээ.

“Шинэ вирусны гол шинж чанарын талаарх мэдээлэл тодорхой болох зуур хэд хэдэн улс оронд коронавирусын шинэ омог тархсан тухай Эрүүл мэндийн яамны мэдээлэлд үндэслэн ард иргэдийн аюулгүй байдлыг хангах үүднээс Засгийн газар онцгой тохиолдлоос бусад үед олон улсын нислэгийг зогсоох шийдвэр гаргасан” хэмээн тэрбээр мэдэгджээ.

Түүнчлэн хуурай замаар болон далайн боомтуудаар дамжин хилээр нэвтрэхийг нэг долоо хоногийн хугацаатайгаар хааж, дахин нэг долоо хоногоор сунгаж магадгүй байна. Саудын Арабад эргэн ирсэн хүмүүс хоёр долоо хоногийн хугацаатайгаар тусгаарлагдаж, таван хоногийн давтамжтай PCR шинжилгээ өгөх аж. 

Тус улсад цар тахал дэгдэж эхэлснээс хойш 361 мянга гаруй тохиолдол бүртгэгдэж халдварын улмаас 6122 хүн нас баржээ. Нийт 351 мянга орчим хүн эдгэрсэн байна.