Г.Занданшатар: Бүх түүхэн үйл явдалд монгол цэрэг, ардын арми салшгүй холбоотой

Г.Занданшатар: Бүх түүхэн үйл явдалд монгол цэрэг, ардын арми салшгүй холбоотой

УИХ-ын чуулганы өнөөдрийн нэгдсэн хуралдаан 10.00 цагт эхэллээ. 

УИХ-ын дарга Г.Занданшатар хуралдааныг нээж үг хэлэхдээ, Монгол цэргийн баяр, орчин цагийн зэвсэгт хүчний 100 жилийн ойн баярын мэндчилгээ дэвшүүллээ. 

Тэрээр, 1921 оны Ардын хувьсгал, 1939 оны Халх голын дайн, 1945 оны чөлөөлөх дайн, 1940-1948 оны Баруун хил дээрх зэвсэгт тулгаралтад улс орноо батлан хамгаалахад Монгол Улсын дайчид, хилчид тэргүүн эгнээнд явж гарамгай гавьяа байгуулсныг онцлон тэмдэглэв. Мөн монгол хүн сансарт ниссэний 40 жилийн ой, НҮБ-д элссэний 60 жилийн ой тохиож буйг тодотгоод, эдгээр бүх үйл явдалд зэвсэгт хүчин, ардын арми, төрийн тусгай алба салшгүй холбоотой гэдгийг онцлов. 

Тэрбээр, "Цэрэг дайчид олон улс болон бүс нутгийн аюулгүй байдлыг хангах, зэвсэгт мөргөлдөөнийг таслан зогсоох, энхийг сахиулах ажиллагаанд оролцож Монгол Улсынхаа нэр хүндийг өнөөдөр ч дэлхий даяар мандуулж байна. Түүнчлэн дэлхий нийтийг хамарсан цар тахлын үед онцгой байдал, хилийн цэрэг, цагдаа, дотоодын цэрэг, зэвсэгт хүчний анги салбар, бие бүрэлдэхүүн халдварын тархалтыг хумих, хорио цээрийн дэглэм мөрдүүлэхэд цаг нар харгалзахгүй, бие сэтгэлээ умартан зүтгэж буйд талархал илэрхийлье. Тусгаар тогтносон бүрэн эрхт Монгол Улсын эрэлхэг цэрэг, хүндэт дайчиддаа алтан соёмбот төрийнхөө далбаан дор өргөсөн тангарагтаа үнэнч байж монгол цэргийн суу алдрыг эгнэгт бадраахын өлзийтэй ерөөл өргөн дэвшүүлье" хэмээлээ. 

Чуулганаар УИХ-ын Төрийн байгуулалтын байнгын хорооны даргыг сонгох асуудлыг хэлэлэцэж байна. Тус байнгын хорооноос УИХ-ын гишүүн Ж.Мөнхбатыг даргад нэр дэвшүүлээд байгаа юм.

Сэтгэгдэл

Хэрэглэгчээр нэвтэрч байж сэтгэгдэл нэмнэ үү! Энд дарж нэвтэрнэ үү.

ДОРНЫН ЗУРХАЙ: Үс засуулбал эд, мал арвижна. 2021-03-18

ӨРНИЙН ЗУРХАЙ: Матрынхан эрч хүчтэй байна. 2021-03-18

“Монгол цэргийн өдөр” буюу зэвсэгт хүчний 100 жилийн ой өнөөдөр тохиож байна. 2021-03-18

УИХ-ын чуулганы өнөөдрийн нэгдсэн хуралдаанаар хэлэлцэх асуудлууд 2021-03-18

С.Дашзэвэг: УОК-оос гаргасан шийдвэрийн дагуу түүхт ойн баярын арга хэмжээ түр хойшилсон 2021-03-18

Г.Занданшатар: Бүх түүхэн үйл явдалд монгол цэрэг, ардын арми салшгүй холбоотой 2021-03-18

Франкфурт-Улаанбааатар чиглэлийн тусгай үүргийн онгоц өнөөдөр газардлаа. 2021-03-18

Бүх гишүүдийн ээлжит хурлыг цахимаар зохион байгуулж байна 2021-03-18

Өнгөрсөн 24 цагт коронавирусний халдварын 158 тохиолдол нэмэгдэв. 2021-03-18

Өнгөрсөн 24 цагт коронавирусний халдварын 158 тохиолдол нэмэгдэв. 2021-03-18

Ерөнхийлөгч Х.Баттулга орчин цагийн Зэвсэгт хүчин үүсэж хөгжсөний 100 жилийн ойн мэндчилгээ дэвшүүллээ. 2021-03-18