Вакцины 2 дахь тунг эхлүүлээд буйг ЭМЯ-ны Нийтийн эрүүл мэндийн тусламжийн бодлогын хэрэгжилтийг зохицуулах газрын дарга Л.Энхсайхан өнөөдөр мэдээллээ. Эхний ээлжинд тэргүүн эгнээнд ажиллаж буй эмч, эмнэлгийн ажилтнууд болон онцгой байдлын, ОСГ-ны хороо хорины ажилтнуудыг хамруулж байгаа аж. Тухайлбал, эрчимт эмчилгээ, сэхээний эмч, сувилагч, ажилтнууд халдвар авах өндөр эрсдэлтэй нөхцөлд ажиллаж буй учир эхний ээлжинд вакцины 2 дахь тунд хамруулж байна. 

Улмаар нөөцөлсөн болон шинээр нэмж ирж буй вакцинаас нэг дэх тунгаа хийлгэсэн иргэдийг хатуу хөл хорионы дараа хамруулж хийнэ гэж мэдэгдлээ.