Өнөөдөр аргын тооллын 2021 оны тавдугаар сарын 2. Ням гараг. Билгийн тооллын XVII Жарны “Цөөвөр” хэмээх Цагаагчин төмөр үхэр жилийн Хаврын адаг хар луу сарын шинийн 21. Адъяа гараг. Элдэв тэнгэртэн одтой, гурван мэнгэтэй, цагаан нохой өдөр.

Барилдлага: Түлэх

Шүтэн барилдлага: Өтлөх үхэхүй

Суудал: Төмөр

Өдрийн наран 5 цаг 33 минутад мандан, 20 цаг 06 минутад жаргана. Тухайн өдөр бар, морь жилтнээ аливаа үйлийг хийхэд эерэг сайн. Эл өдөр гэмт хэрэг илрүүлэх, гэм буруутныг шийтгэх, лус тахих, хүүхэд үрчлэн авах, андгай тангараг, гэрээ хэлцлээ буцаахад сайн.

Нүүдэл суудал хийх, хэрүүл тэмцэл хийх, цөөрөм байгуулах, хүүхэд хөлд оруулахад муу. Өдрийн сайн цаг нь бар, луу, могой, бич, тахиа, гахай болой.

• Хол газар яваар одогсод баруун урагш мөрөө гаргавал зохистой. Хүүхдийн сэвлэг үргээлгэх  буюу үс засуулахад тохиромжгүй хэмээжээ.