АНУ-ын Флорида муж улсын Сурфсайд хотод нурсан орон сууцны барилгын үлдсэн хэсгийг буулгахаар болжээ.

Майами-Дейд тойргийн захирагч Даниэлла-Ливайн Кавагийн мэдээлснээр, буулгах ажил ням гаргийн шөнө 22:00-03:00 цагийн хооронд явагдах бөгөөд тэсэлгээ хийж нураах аж. Энэ хугацаанд хотын иргэдийг гадагш гарахгүй байхыг зөвлөсөн байна.

Эрэн хайх-аврах ажиллагааг түр зогсоосон байгаа бөгөөд барилгын үлдсэн хэсгийг нураасны дараа шууд эхлүүлнэ гэж Кава мэдэгджээ.