Сагсан бөмбөгийн спортыг хөгжүүлэх, түгээн дэлгэрүүлэх үйлсэд оруулсан хувь нэмрийг нь үнэлэн ОУХМ М.Отгонбаярт МҮОХ-ны дээд шагнал “Алтан Очир” одонгоор шагналаа.

Энэхүү хүндтэй одон шагналын үнэмлэхийг МҮОХ-ны ерөнхий нарийн бичгийн дарга Э.Бадар-Ууган гардуулж, байр хүргэв.

ОУХМ М.Отгонбаяр нь нэгэн үе сагсан бөмбөгийн лигийн шилдэг тамирчдын нэг байсан бөгөөд “Бизнесийн чөтгөрүүд”, “1+11”, “Лидер”, “Азарга” багуудад тоглож, лигийн аваргаар долоон удаа шалгарч байсан билээ.