Жүдо бөхийн өсвөр үе, залуучуудын Азийн аварга шалгаруулах тэмцээн Ливан улсын Бейрут хотноо боллоо. Энэхүү тэмцээний өсвөр үеийн ангилалд Монголын тамирчид нэг алт, 2 хүрэл медаль хүртсэн бол залуучуудын ангилалд 3 хүрэл медаль хүртлээ. Тодруулбал, охидын -57 кг-ын жинд Сонгино хайрхан дүүргийн спорт хорооны тамирчин О.Оюунчимэг алт, +70 кг-д Хан-Уул дүүрэг "Женко" клубийн тамирчин Б.Ням-Эрдэнэ хүрэл, хөвгүүдийн 55 кг-д Зэвсэгт хүчний "Алдар" спорт хорооны тамирчин Б.Жанцандорж хүрэл медаль хүртлээ.

Харин залуучуудын Азийн аварга шалгаруулах тэмцээний эхний өдөр Чингэлтэй дүүргийн спорт хорооны тамирчин Э.Хүслэн хүрэл, эрэгтэйчүүдийн -90 кг-д Хил хамгаалах ерөнхий газрын "Хилчин" спорт хороо, Хилийн 0208 дугаар тусгай салбарын тамирчин Ц.Ган-Эрдэнэ, -100 кг-д Боржин төв дэвжээний тамирчин Б.Хүдэрчулуун нар хүрэл медаль хүртсэн байна.