Дорнод аймагт 3.8 магнитудын хүчтэй газар хөдлөлт болжээ.

Тодруулбал, тус аймгийн Матад сумын Буян-Өндөр багийн “Тосон-Уул” гэдэг газар /сумын төвөөс зүүн зүгт 74 км-т өчигдөр буюу гуравдугаар сарын 30-ны өдрийн 12:05 цагт 3.8 магнитудын хүчтэй газар хөдлөлт болсон тухай мэдээллийг мөн өдрийн 12:26 цагт Одон орон газарзүйн хүрээлэнгээс цахим шууудангаар ирүүлжээ.

Тус аймгийн Онцгой байдлын газраар дамжуулан тус сумын Засаг даргын Тамгын газрын дарга Б.Ариунтуяагаас тодруулахад иргэдэд чичирхийлэл мэдрэгдсэн бөгөөд хохирол учраагүй гэжээ.

Эх сурвалж: ОБЕГ