Даваа гарагт Канад улсад өдөрт коронавирусний халдварын хамгийн олон шинэ тохиолдол бүртгэгдсэн байна. Сүүлийн 24 цагт 21 001 шинэ тохиолдол илэрлээ гэж тус улсын Эрүүл мэндийн яам мэдээлжээ. 

Өмнө нь 12 дугаар сарын 23-нд халдварын хамгийн олон тохиолдол бүртгэгджээ. Энэ өдөр 20 700 хүн халдвар авсан нь батлагдсан байна.   

Халдвар авсан хүмүүсийн тоо огцом нэмэгдэх болсны шалтгаан нь Канадад коронавирусний “омикрон” хувилбар хурдацтай тархсантай холбоотой. Тус улсад халдварын нийт тохиолдлын тоо 168 400 давсан байна. Даваа гарагт халдварын улмаас 22 хүн нас баржээ.

“Омикрон” хувилбар тархсантай холбогдуулан Канадын эрх баригчид хорио цээрийн хязгаарлалтыг чангатгасан байна.