Мэргэжлийн боксын IBO холбооны аварга асан, WBA холбоонд тоглодог "King Tug" хочит, Монгол Улсын гавьяат тамирчин Н.Төгсцогт ээлжит тулаанаа энэ сарын 22-нд хийнэ.

Түр аваргын бүсийн төлөө Крис Колбертод ялагдаад байсан тэрбээр энэ удаа мөн түр аваргын бүсийн төлөө тулаанд ялагдсан АНУ-ын Виктор Пасильястай тулалдана.

Тулаан АНУ-ын Атлантик хотын "Borgata"-д болох бөгөөд ялсан нь аваргын бүсийн төлөө тулаан хийх боломж ойртох юм.

"Vicious" хочит 29 настай Пасильяс мэргэжлийн боксын замналдаа 17 тулаан хийхдээ 16 ялсан бол Н.Төгсцогт 14 тулааныхаа хоёрт нь шүүгчийн саналаар ялагдсан билээ.