Америкийн Айдахо мужид 6.5 магнитудын хүчтэй газар хөдлөлт болсон талаар АНУ-ын Геологийн албанаас мэдээлжээ. Газар хөдлөлтийн голомт Чаллис хотоос 72 км-ийн зайд байсан гэнэ. Гүн нь 10 км-т болжээ.

Газар хөдлөлтийн голомтын ойролцоох хотод 146 мянга орчим хүн амьдардаг аж. Гэхдээ одоогоор газар хөдлөлтийн дараах хохирол, хүний амь эрсэдсэн, бэртэж гэмтсэн тохиолдлын талаар мэдээлээгүй байна.

Үүнээс өмнө 5.8 магнитудын хүчтэй газар хөдлөлт Индонезийн Сулавеси аралд болсон билээ.