Өнөөдөр, маргааш төв, зүүн аймгуудын ихэнх нутаг, говийн аймгуудын нутгийн хойд, зүүн хэсгээр, нөгөөдөр төв, зүүн аймгуудын нутгийн зарим газраар, энэ сарын 31-нд Монгол-Алтай, Хангай, Хөвсгөл, Хэнтийн уулархаг нутгаар, зургаадугаар сарын нэгэнд төвийн аймгуудын нутгийн зарим газраар дуу цахилгаантай аадар бороо орно.

Салхи ихэнх хугацаанд секундэд 6-11 метр, нутгийн зарим газраар борооны өмнө түр зуур ширүүсэх төлөвтэйг ЦУОШГ-аас мэдээлэв.
Иймд нөөлөг салхи, мөндөр, аянга цахилгааны аюулаас сэрэмжтэй байж, хол, ойрын замд гарахдаа хувийн бэлтгэлээ хангаж, баталгаат гүүр, гармаар зорчих, цаг агаарын урьдчилан сэргийлэх мэдээг тогтмол хүлээн авах, гэрээсээ гарахдаа цахилгаан болон хийгээ салгаж, эд зүйлсээ аль болох өндөрлөг газар байрлуулах, бага насны хүүхэд, хөгжлийн бэрхшээлтэй иргэд, өндөр настай хүмүүсийг харгалзах хүнгүй үлдээхгүй, гол, усны ойролцоо аялж, зугаалахдаа сонор сэрэмжтэй байхыг ОБЕГ-аас анхааруул байна.