Энэ намрын 36 дахь удаагийн номын баяр өнөөдөр /2024.09.13/ нээлтээ хийлээ. 

Намрын номын баяр есдүгээр сарын 13-15-ны өдрүүдэд Сүхбаатарын талбайд болох бөгөөд Монголын Улсын Ерөнхийлөгчийн 158 дугаар зарлигийг үндэслэн Монгол Улсын Ерөнхийлөгч У.Хүрэлсүхийн ивээл дор болох гэж буйгаараа онцлог юм.

Сүүлийн хэд хэдэн удаагийн номын баярыг УИХ-ын даргын, тодруулбал Г.Занданшатар даргын ивээл дор зохион байгуулж ирсэн билээ. Харин энэ удаа Г.Занданшатар Монгол Улсын Ерөнхийлөгчийн Тамгын газрын дарга болсон тул ийнхүү номын баяр Улсын Ерөнхийлөгч У.Хүрэлсүхийн ивээлд шилжин иржээ.