Засгийн газрын өнөөдрийн хуралдаанд Тэргүүн Шадар сайд бөгөөд Эдийн засаг, хөгжлийн сайд Ж.Энхбаяр Ойрх Дорнодын бүс нутагт үүссэн нөхцөл байдлаас шалтгаалан Монгол Улсын эдийн засагт учирч болзошгүй хямралыг хохирол багатай даван туулах, онцгой нөхцөл байдлын үед авах хариу арга хэмжээний төлөвлөгөөг танилцууллаа.

Төлөвлөгөөг төсөв, санхүүгийн сахилга бат, хэмнэлт, хүнс, хөдөө аж ахуйн бүтээгдэхүүний нийлүүлэлтийг тасалдуулахгүй байх, эрүүл мэндийн салбарын эм, эмнэлгийн нөөц бүрдүүлэх, тасралтгүй хангах, түлш, эрчим хүч, тээвэр логистик, хөрөнгө оруулалтыг нэмэгдүүлэх гэсэн 6 чиглэлээр хэрэгжүүлнэ.

Гадаад орчинд үүсэж буй нөхцөл байдлаас шалтгаалсан Монгол Улсын эдийн засагт учирч болзошгүй хямралыг хохирол багатай даван туулах, онцгой нөхцөл байдлын үед хариу арга хэмжээ авах санал боловсруулах үүрэг бүхий зөвлөлийг Ерөнхий сайдын захирамжаар байгуулсан. Тус зөвлөлийг Тэргүүн Шадар сайд бөгөөд Эдийн засаг, хөгжлийн сайд Ж.Энхбаяр ахалж буй юм гэж ЗГХМОНХГ-аас мэдээллээ.