Индонезийн Засгийн газраас Ковид-19-ийн тархалтаас урьдчилан сэргийлэх зорилгоор хоригдлуудыг суллах төлөвлөгөө гаргасан байна.

Уг төлөвлөгөөнд авлигын гэмт хэрэг болон террор, хар тамхитай холбоотой гэмт хэрэг үйлдсэн хоригдлуудыг суллах асуудал одоогоор тусгагдаагүй гэдгийг тус улсын Улс төр, эрх зүй, аюулгүй байдлын асуудал хариуцсан зохицуулагч сайд Мохаммед Махфуд МД ням гарагт хийсэн мэдэгдэлдээ онцлон тэмдэглэжээ.