Монголын үндэсний олимпын хороо/МҮОХ/, Монголын үндэсний олимпын академи/МҮОА/-аас хамтран "Биеийн тамир, спорт-Олимпизм-Хөгжил-КОВИД19" сэдэвт эрдэм шинжилгээний онол-практикийн цахим бага хурлыг ирэх сарын 29-ний өдөр зохион байгуулахаар болжээ.

Тус хурлаар “КОВИД-19” цар тахлын үеийн болон дараах үе дэх биеийн тамир, спортын салбарт гарах өөрчлөлтүүд, Олимпын хөдөлгөөний хөгжлийн чиг хандлага, “Токио-2020” олимпын наадамд бэлтгэх сургалт-дасгалжуулалтын онол, арга зүй, технологийн шинэчлэлийг тодорхойлох зэрэг олон талт сэдвийн хүрээнд гадаадын болон дотоодын эрдэмтэн судлаачдын илтгэлийг хэлэлцэх юм байна.

Түүнчлэн илтгэлийг ирэх сарын 20-ны өдрийг хүртэлх хугацаанд цахимаар хүлээн авах бөгөөд шилдэг дөрвөн илтгэлийг шалгаруулах аж.