Дэлхий даяар коронавирусний халдвараар нас барсан хүний тоо нэг хоногийн дотор 5000 орчмоор нэмэгдэж, 198 мянга давсан гэж Дэлхийн эрүүл мэндийн байгууллага /ДЭМБ/ мэдээллээ.

Сүүлийн 24 цагийн хугацаанд 85 530 шинэ тохиолдол бүртгэгдсэнээр дэлхий даяар халдвар авсан хүний тоо 2 878 196 болсон бол 4982 хүн нас барж, нас барсан тохиолдлын тоо 198 668-д хүрсэн байна.

Халдварын хамгийн олон буюу 1 359 380 тохиолдол Европт бүртгэгдсэн байна. Тус тивд 124 525 хүн нас баржээ.

Коронавирусний халдвар цар тахлын хэмжээнд хүрснийг ДЭМБ гуравдугаар сарын 11-нд зарласан билээ.