“Баби” нэртэй маш хүчтэй хар салхи чиглэж байгааг холбогдох байгууллагуудаас анхааруулсаар байна. Өнөөдөр /2020.8.25/ өглөөний 7 цагийн байдлаар хар салхи Чэжү арлыг чиглэжээ. Баби хар салхи нь өнөө маргаашдаа баруун эрэг, 27-ны өдөр Сөүлээр дайрч, хойд Солонгосын Хванхэй арал руу чиглэх төлөвтэй байгааг цаг уурчид анхааруулжээ.

Мөн хар салхинаас үүдэж өнөө шөнө Чэжү арлаас эхлэн ширүүн бороо орж,салхи 40-60м/с хүрэхийг онцгойлон анхааруулсан байна. Салхины хүч ийм байх үед гадуур, гудамжаар алхах боломжгүй байдаг ажээ. “Баби” хар салхины хүчийг 8-р зэрэгт оруулдаг байна. “Баби”- тай хамгийн ойролцоо хүчтэй хар салхи бол 13- р зэргийн хар салхи “Линг Линг” юм.

Шуурганы талаарх  зөвлөмжүүд, анхааруулгыг цаг тухай бүрд өгч байгаа юм байна.