Гадаад харилцааны яамны Консулын газрын захирал Л.Мөнхтүшиг "БНСУ-д наймдугаар сарын 26-ны өдөр Сөүл хотын хүнсний үйлдвэрт ажилладаг таван Монгол иргэн, тэдний гэр бүлийн гурван иргэн халдвар авсан нь тогтоогдсон. Тэдний нэг нь наймдугаар сарын 12-ны өдөр консулын үйлчилгээ авсан. Энэ иргэнд үйлчилгээ үзүүлсэн консулын ажилтан халдвар хамгааллын дэглэм сайн сахисан учир халдвар аваагүй. Сөүл хотын консулын ажилчдыг коронавирусний шинжилгээнд хамруулж байгаа" гэлээ.