НҮБ-ын Боловсрол, шинжлэх ухаан, соёлын байгууллагын олон улсын бүжгийн сангууд, бүжгийн холбоод, олон улсын тэмцээн зохион байгуулах хороод нэгдэж бүжгийн урлагийг хөгжүүлэх зорилгоор "Олон улсын бүжгийн нэгдсэн цахим уралдаан" зохион байгуулах гэж байгаа талаар бид өмнө нь мэдээлсэн.

Уг уралдааныг Монгол, Хятад, Франц, Япон, Их Британи, АНУ, Грек, Польш, Герман, Унгар, Бельги, Индонез, Малайз, Куба, Казахстан, Румын, Серби, Латви, Эстони, Литва, Египет, Сингапур, БНСУ зэрэг 20 гаруй улс орны бүжгийн холбоо хамтран зохион байгуулж байгаа бөгөөд олон улсын мэргэжлийн мастерууд шүүн явуулна.

Сонгодог, ардын, спорт, ритмт, орчин үеийн, чөлөөт буюу бүжгийн бүх төрлөөр мөн "Бүжиг" сэдэвт уран зураг, богино хэмжээний кино бүтээлээр оролцох боломжтой "Олон улсын бүжгийн нэгдсэн цахим уралдаан"-ы бүртгэл энэ сарын 8-нд дуусах бөгөөд Монгол Улсыг төлөөлж Улаанбаатар хот, Дархан-Уул, Завхан, Дорноговь аймгаас болон АНУ-д ажиллаж амьдарч буй уран бүтээлчид өрсөлдөхөөр бүртгүүлжээ.