БНСУ-д ирэх есдүгээр сар гэхэд 36 сая иргэн “COVID-19”-ийн вакцины эхний тунд хамрагдана гэж тус улсын Ерөнхийлөгч Мүн Жэ Ин даваа гарагт мэдэгджээ. Энэ нь БНСУ-ын хүн амын 70 хувьтай тэнцэх үзүүлэлт юм.

Мүн Жэ Ин Хөх ордонд болсон коронавирусээс урьдчилан сэргийлэх, хяналтад авах асуудлаарх гурав дахь удаагийн уулзалтын үеэр, улсын хэмжээнд зургаадугаар сарын эцэс гэхэд вакцинд хамрагдсан хүмүүсийн тоо 14 сая гаруйд хүрнэ хэмээн тооцоолж буйгаа мэдээлжээ.

Түүний хэлснээр, ийм үзүүлэлтэд хүрвэл шинээр илрэх халдварын тохиолдлын тоо болон нас барагсдын түвшин буурна.

Засгийн газар долоодугаар сараас 50 гаруй насны хүмүүсийг вакцинжуулж эхлэхээр төлөвлөж байгаа бөгөөд энэ оны гуравдугаар улирал дуусахад 36 сая хүнийг вакцины эхний тунд хамруулах зорилт тавьсан байна. Ингэснээр БНСУ 11 дүгээр сар гэхэд нийтийн дархлаа тогтоох зорилтдоо хугацаанаасаа өмнө хүрч магадгүй гэсэн үг юм.

Мөн коронавирусний шинэ хувилбарууд тархах болсонтой холбоотойгоор цар тахлаас ангижрах төлөв ажиглагдахгүй байгааг харгалзан Засгийн газар 2022 онд хэрэглэх вакцины гэрээнүүдийг яаралтай байгуулна гэдгийг БНСУ-ын Ерөнхийлөгч мэдэгдсэн байна.  

Эх сурвалж: http://biz.newdaily.co.kr/site/data/html/2021/06/07/2021060700162.html