Мексикийн Засгийн газар коронавирусний эсрэг Pfizer вакциныг 12-оос дээш насны хүүхдүүдэд хийхээр баталсан талаар тус улсын Эрүүл мэндийн дэд сайд Уго Лопес-Гатель мэдэгджээ.

Энэ нь Мексикт хүүхдүүдэд хийхийг зөвшөөрсөн анхны вакцин болж байна.

Мексикт энэ сарын 4-нд коронавирусний халдварын дараа илэрдэг хар хөгц өвчний анхны тохиолдол бүртгэгджээ.

АНУ-ын Хүнс, эмийн чанарын хяналтын газар тавдугаар сард Pfizer вакциныг 12-15 насны хүүхдүүдэд хэрэглэхийг зөвшөөрсөн юм.

Pfizer вакциныг насанд хүрэгсдэд 95 хувийн үр дүнтэй, хүүхдүүдэд 100 хувийн үр дүнтэй байна гэж судалгаагаар тогтоожээ. АНУ-ын Өвчний хяналт, сэргийлэлтийн төвөөс өгсөн мэдээллээр Pfizer вакцины хүүхдүүдэд үзүүлэх хариу урвал нь том хүнийхтэй адил бөгөөд долоо хоногийн дотор арилж байгаа аж.