Урд хөршийн “Ковид-19” халдварын тохиолдол бүртгэгдсэн Лүн Юэюанаас бусад Бээжин хотын есөн хорооллын хөл хорионы дэглэм цуцлагдлаа. Тодруулбал, өнгөрсөн долоодугаар сарын 28-нд, Хүнань мужээс Бээжин рүү буцсан нэг иргэнээс “Ковид-19” халдвар батлагдсан учир ойр орчимд нь буюу нийт арван хороололд хөл хорионы дэглэм тогтоожээ. Хөл хорио тогтоосноос хойш тухайн бүсийн иргэдээс нэг, гурав, долоо, 14 дэх өдөр буюу нийт дөрвөн удаа PCR шинжилгээ авсан бөгөөд бүх хариу сөрөг гарсан хэмээн CCTV мэдээллээ.

Харин “Ковид-19” халдварын эерэг тохиолдол илэрсэн хорооллын иргэдээс өчигдрийг хүртэлх хугацаанд таван удаа PCR шинжилгээ авсан бөгөөд хөл хорионы дэглэм 21 өдөр үргэлжлэх юм байна.