БНАСАУ-д Өмнөд Солонгосын телевизийн нэвтрүүлэг, киноны дүрүүдийг дуурайсан найман сурагчид ял оноожээ.

Тэднийг БНСУ-ын нэгэн кино болон “Crash Landing on You” телевизийн нэвтрүүлгийг үзэж, киноны баатруудыг дуурайж, үзсэн драма, киноныхоо талаар бусдад ярьсан гэж буруутгажээ. Сурагчдыг Өмнөд Солонгосын кино, нэвтрүүлэг, клип үзсэнийг мэдсэн хүмүүс мэдээлэл өгсөн аж.

БНАСАУ өнгөрсөн арванхоёрдугаар сард “урвалтын сэтгэлгээ, соёл”-ыг устгах тухай хууль баталж, иргэддээ зөрчлийн талаар идэвхтэй мэдээлж байхыг уриалжээ.

Шүүхээс сурагчдад хөдөлмөрийн лагерт 5 жил хорих ял оноосон байна. Мөн тэднийг эрүүдэн шүүж, олон нийтийн өмнө ялыг нь оноосон гэж Daily NK мэдээлжээ.