БНСУ-ын Ерөнхийлөгч Мүн Жэ Иний рейтинг өнгөрсөн долоо хоногт 0.4 хувиар нэмэгдэж, 41.7 хувьд хүрснийг долоо хоног тутмын санал асуулгын дүн харуулжээ.
“Realmeter” судалгааны байгууллагын мэдээлснээр, Мүн Жэ Иний төрийн хэргээ явуулж буй байдлыг сөргөөр үнэлэх үзүүлэлт 0.2 хувиар буурч, 54.5 хувьд хүрсэн байна.

Түүнчлэн Мүн Жэ Иний, эрх баригч Ардчилсан намын дэмжигчид өнгөрсөн долоо хоногт 0.8 хувиар өсөж, 32.7 хувьд хүрчээ.

Харин сөрөг хүчний гол нам болох Ардын хүч нам 35.3 хувийн санал авч, өмнөх долоо хоногийнхоос 1.6 хувиар буурсан байна

Мөн зүүний төвч үзэлт Нээлттэй ардчилсан нам 7.2 хувь, барууны төвч үзэлт Ардын нам 6.4 хувийн санал авсан бол Шударга ёс нам 3.7 хувийн санал авчээ.
Өнгөрсөн долоо хоногийн даваагаас баасан гараг хүртэлх хугацаанд явуулсан уг судалгаанд 2524 хүн оролцсон байна.