Засгийн газрын ээлжит хуралдаан өнөөдөр /2021.09.15/ хуралдаж байна. Хуралдаанаар эдийн засгаа сэргээх 10 их наяд хөтөлбөрийн хэрэгжилт, цар тахлын өнөөгийн нөхцөл байдлын талаар танилцуулгыг сонсоод, 2022 оны улсын төсвийн төсөл хэлэлцэж байгаа аж. Улсын төсвийг аравдугаар сарын 1-ны дотор өргөн бариад, арваннэгдүгээр сарын 15-ны батлах хуультай. 

Мөн их дээд сургуулийг орон нутагт шилжүүлэх асуудал хэлэлцэж байгаа аж. Есдүгээр сарын 8-ны хуралдаанаар зарим их, дээд сургуулийг хотоос нүүлгэх, ХААИС-ийн зарим факультетийг Дархан-Уул аймаг руу, ШУТИС-ийн харьяа зарим сургуулийг Өмнөговь руу нүүлгэх төлөвлөгөөг танилцуулахыг үүрэг болгосон. Энэ дагуу Боловсрол шинжлэх ухааны сайд Л.Энх-Амгалан өнөөдөр танилцуулгаа хийх аж.

Хуралдааны дараа Сангийн сайд Б.Жавхлан, Эрүүл мэндийн С.Энхболд нар мэдээлэл хийх аж. Одоогоор цаг нь тодорхойгүй байна.