БНАСАУ-ын эсрэг авсан НҮБ-ын хориг арга хэмжээнүүдийг үнэнчээр биелүүлэхийг АНУ-ын Төрийн департамент НҮБ-ын бүх гишүүн оронд мягмар гарагт уриалжээ.

БНАСАУ-ыг хориг арга хэмжээнүүдийг зөрчих нөхцөлийг БНХАУ, ОХУ бүрдүүлсээр байгааг Төрийн департаментын хэвлэлийн төлөөлөгч “Yonhap” агентлагт цахим шуудангаар мэдээлсэн байна.

“Аюулгүйн Зөвлөлийн бүх гишүүн БНАСАУ-ын гаргаж буй зөрчлүүдийг нухацтайгаар авч үзэж, тэдгээрийг энх тайвнаар зохицуулах чиглэлд хамтран ажиллах шаардлагатай байгааг бид дахин нотолж байна” гэж төлөөлөгч нэмж хэлжээ.

Мөн НҮБ-ын саяхан танилцуулсан тайланд дурдсанчлан БНАСАУ цөмийн болон баллистик пуужингийн хөтөлбөрүүдээ ахиулан хөгжүүлсээр байгааг цохон тэмдэглэсэн байна.

БНАСАУ өнгөрсөн сард пуужингийн хэд хэдэн туршилт явуулсан бөгөөд есдүгээр сарын сүүлээр дуунаас хурдан пуужин, шинэ төрлийн зенитийн пуужин туршсанаа мэдэгдсэн юм.