УИХ-ын сонгуулийн тухай хуульд заасны дагуу сонгуульд оролцож байгаа тухайн нам эвсэл болон нэр дэвшигч төгрөгийн нэг данстай байна.

Тэдгээр нам эвсэл болон нэр дэвшигч нь сонгуулийн зардлын дансны дугаар, банкны нэрийг санал авах өдрөөс 15-аас доошгүй хоногийн өмнө төрийн аудитын дээд байгууллагад мэдэгдэж, бүртгүүлэх ёстой.

Дансны дугаар, банкны нэрийг төрийн аудитын дээд байгууллагад бүртгүүлэхдээ хувийн хүсэлт /хаяг, утасны дугаар, гарын үсгийн баталгаа/, иргэний үнэмлэхийн хуулбар, дансны дугаар зэргийг баримтыг бүрдүүлсэн байх аж.

Мөн итгэмжлэгдсэн төлөөлөгчөөр дамжуулан харилцах бол нотариатаар баталгаажсан байна гэж Үндэсний аудитын газраас мэдээллээ.