СӨҮЛ. /Yonhap/. БНСУ-ын судлаачид шинэ коронавирусийг саармагжуулах чадвар бүхий 38 эсрэг биетийг тодорхойлж чадлаа гэж тус улсын Эрүүл мэндийн яамны дэргэдэх Өвчинд хяналт тавих, урьдчилан сэргийлэх төв мэдээлсэн байна.  

Өмнөд Солонгосын Үндэсний эрүүл мэндийн хүрээлэн болон “Celltrion” компанийн лабораториудад явуулсан судалгааны явцад коронавирустэй өвчтөний цуснаас халдвар авсан хүмүүсийг эмчлэхэд ашиглаж болох эсрэг биетүүдийг ялгаж авсан байна. “Авсан бүх дээж, ялангуяа тэдгээрийн 14 нь саармагжуулах хүчтэй шинж чанартай” гэж Өвчинд хяналт тавих, урьдчилан сэргийлэх төвийн мэргэжилтнүүд цохон тэмдэглэжээ. Судлаачид илрүүлсэн эсрэг биетүүдийнхээ эерэг үр нөлөөг баталгаажуулахын тулд гүнзгийрүүлсэн судалгааг удахгүй хийж, лабораторийн амьтад дээр турших аж.