Хамгийн алдартай криптовалют болох биткоины ханш энэ хоёрдугаар сарын 19-нөөс хойш анх удаа 10 мянга давсныг арилжааны  мэдээлэл харуулжээ.  

Хорь гаруй биржийн дундаж үнийг тооцоолдог “CoinMarketCap” цахим хуудсанд мэдээлснээр, пүрэв гаргийн арилжааны явцад биткоины ханш 7.22 хувиар өсөж 9945 ам. долларт хүрсэн байна. Криптовалютын арилжааны хэмжээгээр хамгийн томдоо ордог  “Binance” бирж дээр биткион 9918 ам.доллар болж, 8.43 хувиар өссөн бөгөөд арилжааны явцад 10.067 ам.долларт хүрчээ. Ингэснээр уг криптовалют энэ оны хоёрдугаар сарын 19-нөөс хойш анх удаа 10 мянган ам.доллар давсан байна.

Биткионы ханш 2017 оны 12 дугаар сард 20 мянган ам.долларт хүрч өсөж байжээ.