ОХУ КОВИД-19-ийн эсрэг “Фавипиравир” буюу “Арепливир” эмийн эмнэл зүйн туршилтыг дөрвөөс найман долоо хоногийн дараа дуусна гэж академич Дмитрий Пушкарь мэдэгджээ. Энэхүү эм нь вакцинаас түрүүлж гарах ч эрдэмтэд аль аль чиглэлд ажиллаж байна гэж тэрбээр онцолжээ. Пушкарийн хэлснээр, туршилтад тус эмийг үйлдвэрлэж буй Москва, Санкт-Петербург, Мордовия хотын олон зуун оршин суугчдыг хамруулах гэнэ. Амьтан дээр хийсэн туршилтаар энэ эм коронавирусийг 5-6  хоногийн дотор устгах чадвартай болох нь нотлогджээ.

Үүнтэй зэрэгцэн ОХУ-ын Новосибирскийн “Вектор” шинжлэх ухааны төвийн мэргэжилтнүүд КОВИД-19-ийн эсрэг хамарт дусаадаг вакцин бүтээжээ.

Тус төвийн ерөнхий захирал Ринат Максютовын хэлснээр, одоогоор тус вакциныг амьтанд дээр туршиж байгаа аж. Туршилтын явцад коронавирусний халдвар авсан амьтдын биеийн халуун нэмэгдээгүйгээс гадна ямар нэгэн сөрөг нөлөө ажиглагдаагүй байна. Вакцины эмнэл зүйн туршилтыг хүн дээр ирэх сарын сүүлээр, долоодугаар сарын эхээр эхлүүлж, есдүгээр сарын дундуур дуусгах төлөвлөгөөтэй ажиллаж байна гэж Максютов онцолжээ. Туршилтад сайн дурын үндсэн дээр 18-60 насны эрэгтэй, эмэгтэй хүмүүсийг хамруулах бөгөөд халдвар аваад эдгэрсэн хүмүүсийг оролцуулахгүй гэнэ.

https://zindaa.mn/3988