Монголын үндэсний олимпын хороо, БНСУ-ын Биеийн тамир, спортын удирдлагын холбоо болон Боксын хөгжлийн төвтэй хамтран ажиллахаар болов.

Талуудын өргөн хүрээнд хамтран ажиллах санамж бичигт МҮОХ-ны Ерөнхий нарийн бичгийн дарга Э.Бадар-Ууган, БНСУ-ын БТСУХ-ны Ерөнхийлөгч Ким Жэ Хён болон Боксын хөгжлийн төвийн Дарга Ким Жү Ён нар баасан гарагт /2020.06.05/ гарын үсэг зурсан байна.

Уг санамж бичгийн хүрээнд МҮОХ болон дээрх байгууллагууд спорт-олимпизмийг түгээн дэлгэрүүлэх, 2 улсын тамирчид, дасгалжуулагчид, экспертүүд харилцан туршлага солилцох зэргээр олон талт хамтын ажиллагааг өрнүүлэхээр болжээ.

Мөн "O.R.S", "4WIN" болон "ENERBOOSTER" спортын брэндүүд энэхүү гэрээний хүрээнд өрнөх ажлуудад дэмжлэг үзүүлэхээ илэрхийлэв.