СӨН-Э ЭМНЭЛЭГ МОНГОЛ
ИРГЭДЭД КОРОНАВИРУСЫН ШИНЖИЛГЭЭГ
ХӨНГӨЛТТЭЙ НӨХЦЛӨӨР ХИЙНЭ

Консулын хэлтсийн дарга Л.Хаш-Эрдэнэ БНСУ-ын Сөүл хотын “Сөн Ай” эмнэлгийн дарга, Монгол Улсаас Инчон, Кванмён хотод суугаа Өргөмжит консул Ким Сөг Хо-тэй уулзаж, БНСУ-д оршин суугаа монгол иргэдэд коронавирусын шинжилгээг хөнгөлттэй нөхцөлөөр хийлгэх, мөн санхүүгийн хүндрэлтэй буй иргэдэд эрүүл мэндийн яаралтай тусламж үзүүлэх талаар ярилцав. Тусгай үүргийн нислэгээр нутаг буцаж буй иргэд 48 цагийн дотор коронавирусын шинжилгээг зайлшгүй хийлгэсэн байх УОК-ын шаардлагын дагуу “Сөн Ай” эмнэлэг өдөрт 200 хүртэл иргэдийг хүлээн авч, 119,000 воноор коронавиурсын шинжилгээ хийх боломжтой тухай эмнэлгийн зүгээс мэдээлэв. “Сөн Ай” эмнэлэг нь 1996 оноос хойш ЭСЯ-тай хамтран ажиллаж ирсэн бөгөөд БНСУ-д ажиллаж, амьдарч буй иргэдэд хөнгөлөлттэй нөхцлөөр эрүүл мэндийн үйлчилгээ үзүүлэх, мөн манай улсын анагаах ухааны салбарыг хөгжүүлхэд хувь нэмрээ оруулж ирсэн.

Эмнэлгийн мэдээлэл хаяг: Сөүл хот Ёндонпо-гу Ёоидэбан-ро 53 гил 22 шингил-дон Сон-Э эмнэлэг
서울특별시 영등포구 여의대방로 53 길22 신길동 성애병원

Монгол ажилтантай холбогдох утас: 010-8373-6008 (Туяа)

Метро: 1р шугам Дэбан буудал (daebang station,대방역) :

Эх сурвалж: ЭЛЧИН САЙДЫН ЯАМНЫ
КОНСУЛЫН ХЭЛТЭС