Африкийн Сан-Томе Принсипи арал улсад төрсөн Португал Улсын жүдо бөхийн анхны дэлхийн аварга Жорже Фонсека “Covid-19” туссанаа зарлажээ.

Тэрбээр өмнө нь өвдгөндөө бэртэл авч улмаар хорт хавдар болон хувирсан ч өвчнөө ялан дийлж, өнгөрсөн жилийн Токиогийн ДАШТ-ээс -100 кг-д хүч үзэж алтан медаль хүртсэн юм.

Хавдрын эмнэлэгт эмчлүүлж байхдаа “Яагаад заавал би ийм өвчин тусах гэж” хэмээн бодож байснаа сүүлд ярьсан байдаг.

Мөн “Тус эмнэлэгт хорт хавдартай хүүхдүүд амьдрахын төлөө тэмцэж байгааг хараад хүүгийнхээ төлөө амьдрахын тулд шантрахгүй байх хэрэгтэй гэдгийг ойлгосон” гэдгээ ч дурссан юм.

Иймд энэ удаагийн өвчнийг ч ялан дийлнэ гэдэгт бөх сонирхогчид итгэлтэй байна.