Түүнтэй хамт 13 настай Жанна охин нь мөн амь үрэгдсэн юм. 
 

...Тэр өндрөөс унахад охиноо тэвэрсэн л байж таараа. Хөөрхий охиндоо юу хэлж байсан бол. Аавыгаа уучлаарай гэж хэлсэн байх. Бүх юм сайхан болно гэж хэлсэн байх. Хүн л юм хойно ямар их айгаа бол. Нисдэг тэрэг нь агаарт дэлбэрээгүй болохоор газарт унах хүртэл ямар их айцгаасан бол, юу мэдэрсэн бол. Ардаа үлдэж байгаа охидоо, эхнэрээ бодоод... Домогт тамирчнаас нь илүү охинтойгоо амь үрэгдсэн аавын тухай их бодогдож, төсөөлөгдөж хямарлаа гэж Batjargal Namjil сэтгэгдлээ хуваалцсантай олон хүн санал нийлэх биз ээ. 
 

“Хар мамба” хочит Коби охиноо “Мамбасита” гэж нэрлэдэг, түүнийг сагсан бөмбөгийн од болно гэдэгт итгэдэг байлаа.
 Жаннаг ойр дотнынхон нь Жижи хэмээн дууддаг байв. “Осол гарсан тэр өдөр аав, охин хоёр “Мамба академи” руу бэлтгэл хийхээр явж байсан” гэж TMZ бичсэн байна.

Сагсан бөмбөгийн “Мамба академи”-ийг Коби үүсгэн байгуулсан юм.

Охиндоо яаж тоглохоос гадна сагсан бөмбөг гэдэг спортын утга учрыг ухуулан заадаг. Өнгөрсөн арванхоёругаар сард аав, охин хоёр “Атланта”, “Бруклин” багуудын тоглолтыг задлан шинжилж байгаа бичлэг олны анхаарлыг ихэд татаж байлаа.