БНХАУ-ын Хубэй мужийн иргэн 65 настай Сүй гэх эрэгтэйд өнгөрсөн нэгдүгээр сарын 23-нд халуурах шинж тэмдэг илэрч, хоёрдугаар сарын 7-нд “COVID-19” халдвар авсан хэмээн оношлогджээ. Тэрбээр анх эрчимт эмчилгээний тасагт ECMO эмчилгээ хийлгэж, гуравдугаар сарын 18-нд Ухань их сургуулийн ардын эмнэлэгт шилжин эмчлүүлжээ. Харин дөрөвдүгээр сарын 20-нд тус эмнэлэгт байхдаа уушги шилжүүлэх мэс засал хийлгэсэн юм

Тэгвэл түүний уушгины ажиллагаа эрүүл хэвийн гэсэн оноштойгоор энэ сарын 21-нд Ухань их сургуулийн эмнэлгээс гарсан аж.

Сонирхуулахад, “COVID-19”-ийн халдварын улмаас уушгиа солиулсан тохиолдол дэлхийд 10 байгаа бөгөөд Сүй уушгины ажиллагаа хэвийн сайн гэсэн оноштойгоор эмнэлгээс гарсан анхны хүн болсон хэмээн CCTV мэдээллээ.