Монголын чөлөөт бөхийн холбооны ерөнхийлөгчийн үүргийг орлон гүйцэтгэгч Бөхийн чөлөөт барилдааны олон улсын хэмжээний мастер Пунцагийн Гансүх, дэд ерөнхийлөгч Дэлхийн бөхийн холбооны хүндэт шүүгч, Монгол улсын гавьяат эдийн засагч Намсрайжавын Дүгэрсүрэн, ерөнхий нарийн бичгийн дарга Монгол улсын гавьяат дасгалжуулагч Буяндэлгэрийн Батбаяр нар үндэсний шигшээ багийн тамирчдын бэлтгэл цугларалттай танилцаж, “Эко” спорт цогцолбор бэлтгэлийн баазад ажиллав.

Шигшээ багийн багш дасгалжуулагчдын тулгамдсан асуудлууд, санал хүсэлттэй танилцаж, зарим асуудлыг газар дээр нь шийджээ.

Бие бялдрын ерөнхий болон тусгай хөгжлийн бэлтгэл, техникийн детальчилсан ажиллагаа, дархан мэхийг бататгах зэрэг төлөвлөгөөтэй ажиллаж байгаа тамирчдыг нэмэлт уураг, шаардлагатай эм витаминжуулалтаар хангахаар болов.

Мөн тамирчны хувь хүний хөгжил, сэтгэл зүйн болон бусад сургалтуудыг явуулахаар шийдвэрлэжээ