Монгол Улсын заан Очирын Одгэрэл хүндээр өвдөж, бөөр солиулах шаардлагатай болсон тул түүний эмчилгээнд зориулсан хандивын аяныг шавь нар санаачлан эхлүүлсэн байна.

Монгол Улсын заан О.Одгэрэл нь бөхийн самбо барилдааны насанд хүрэгчдийн дэлхийн аварга, залуучуудын дэлхийн аварга, цагдаагийн дэлхийн аварга, дэлхийн цомын аварга бөгөөд Олон улсын хэмжээний мастер, Монгол Улсын гавьяат тамирчин, багш, дасгалжуулагчаар ажиллаж ирсэн юм.

Иймд О.Одгэрэл зааны шавь нар бөхийн спортод хайртай монгол түмэндээ хандаж “Хүндэт багшийн маань эмчилгээнд халуун сэтгэлээр хандив өргөж, шавь нартайгаа үргэлжлүүлэн бэлтгэл, сургуулилтаа хийх боломж олгохыг хичээнгүйлэн хүсье” хэмээн Монгол Улсын отгон аварга П.Бүрэнтөгсийн 5821047337 тоот ХААН банкны дансанд хандив өргөхийг уриалж байгаа аж.