2020.08.08-10-ны өглөөний 07:40 цаг орчимд БЗД-ийн 16-р хорооны нутаг дэвсгэрт Цайз захын хойд талын гэр хорооллын замд элс ачсан Хово маркын автомашин замын нөхцөл байдалд хурдаа тохируулаагүйн улмаас эргэлтэн дээр айлын хашааг мөргөжээ. Ослын улмаас тухайн айлын эзэнгүй байсан байшин нурж, хашаанд нь байсан хоёр автомашиныг мөргөсөн байна.  Азаар хүний амь нас эрсдээгүй. Осол гаргасан Хово маркын автомашинд зорчиж байсан зорчигчийн биед хөнгөн гэмтэл учирчээ. Хово маркын автомашины жолооч Э нь согтууруулах ундаа хэрэглээгүй, автомашины зохих бичиг баримт бүрэн байсан байна.Урьдчилсан байдлаар тухайн автомашины жолооч хурдаа тохируулж хөдөлгөөнд оролцоогүйн улмаас осол гарсан байж магадгүй гэж үзэж байгаа юм.