Хонконгт мөрдөгдөж байгаа хилийн болон нисэх буудлын нөхцөл байдал, хязгаарлалтын талаар Та бүхэнд мэдээлэл хүргэж байна.

ХИЛ НЭВТРЭХ ЗӨВШӨӨРӨЛ:

✔ Хонконгийн иргэд, Хонконгт оршин суух зөвшөөрөлтэй гадаад иргэд,
✔ Хонконгийн урт хугацааны визтэй гадаад иргэдийг нэвтрүүлнэ. (Үүнд 14 хоногийн визтэй Монгол иргэд хамаарахгүй)

ТУСГААРЛАЛТ:

✔ 14 хоног гэр эсвэл зочид буудлын хаяг дээр тусгаарлагдана.

ДАМЖИН ӨНГӨРӨХӨД АНХААРАХ ЗҮЙЛС:
✔ Эцсийн цэг хүртэл суугчийн талоноо авсан байх
✔ Эцсийн цэг хүртэл ачаагаа бүртгүүлсэн байх
✔ Дамжин өнгөрөх хугацаа 24 цагаас хэтрэхгүй байх
✔ Хонконгоор дамжиж БНХАУ-руу транзит зөвшөөрөхгүй ба харин БНХАУ-аас Хонконгоор дамжин бусад улс руу транзит зөвшөөрнө.
✔Хонконгийн нисэх буудалд Interline check-in хийхийг зөвшөөрөхгүй.
 

НЭМЭЛТ:

✔ 2020 оны 5 дугаар сарын 25-ны өдрөөс “Electronic Health & Quarantine Declaration” системийг хэрэгжүүлж эхэлсэн ба зорчигч нислэгээс өмнө гар утсаараа QR код уншуулж, “Health & Quarantine Information Declaration Form”-ийг онлайнаар мэдүүлж, хүлээж авсан хариуг гар утсандаа “screen shot” хийж хадгална.
✔ Хилээр нэвтрэхийн өмнө Хонконгийн эрүүл мэндийн ажилтанд шалгуулж нэвтэрнэ.
✔ Бангладеш, Энэтхэг, Индонез, Казахстан, Непал, Пакистан, Филиппин, Өмнөд Африк, АНУ-д байсан, эсвэл зорчсон бол Хонконгт ирэх нислэгээс өмнө 72 цагийн дотор заавал тухайн улсын баталгаажсан лабораторт КОВИД-ийн шинжилгээ өгч, сөрөг гэсэн хариуг авсан байна.
✔ Хонконгт нэвтэрсний дараа нисэх буудлын дэргэдэх дээж авах газарт шинжилгээ өгч хариуг нь хүлээж байж авна.
 

МИАТ ТӨХК-ийн Хонконг дахь Төлөөлөгчийн газар