Сөүлийн Боловсролын газраас Гадаад иргэншилтэй бага, дунд сургуулийн сурагчид болон сургуульд явдаггүй өсвөр үеийнхэнд Ковидын тархалтын улмаас хүүхэд харах болон сургалтад хамрагдах мөнгөн дэмжлэг үзүүлэхээр болжээ.

Аравдугаар сарын 12-ны өдөр Сөүлийн Боловсролын газраас хүүхэд харах үйлчилгээ авахад өрхөд ирэх дарамтыг бууруулах дэмжлэгт гадаад иргэншилтэй бага дунд сургуулийн ойролцоогоор 5,100 хүүхэд, гадаад иргэншилтэй бага дунд ангийн сургуулиас гадна байгаа ойролцоогоор 4,240 гаруй хүүхдэд ‘хүүхэд өсгөх мөнгөн дэмжлэг’-ийг олгохоор болсоноо зарлажээ.

Тус улсын Засгийн газраас өрхийн хүүхдээ өсгөх тэдний боловсролд зарцуулах төлбөрийн дарамт нэмэгдэнэ гэж үзээд бага сургуулиас доош насны хүүхдэд 200 мянган воны ‘хүүхэд асрах тусгай мөнгөн дэмжлэг’, дунд сургуулийн хүүхдэд 150 мянган воны ‘сургалтын мөнгөн дэмжлэг’ олгосон бөгөөд үүнд гадаад иргэншилтэй хүүхдүүдийг орхигдуулан ялгаварлан гадуурхсан асуудал үүссэн байна.

Ингээд Сөүлийн боловсролын газраас 1 миллиард 700 сая 40 мянган воны дээрх мөнгөн тусламжийг олгохоор болжээ.

Гадаад иргэншилтэй сургуульд суралцаж буй хүүхдүүд энэ сарын 23-ны өдрийг хүртэл, сургуулиас гадуур байгаа хүүхдүүдийн хувьд 19 – 23 өдрийг хүртэл хүсэлт гаргавал хянан шалгасны дараа 30-ны өдөр авах боломжтой юм байна.

Эх сурвалж: https://darinvoice.net/