АНУ-ын Ерөнхийлөгчийн сонгуульд ялалт байгуулсан Жозеф Байден Пентагоны тэргүүн буюу батлан хамгаалахын сайдад чөлөөнд гарсан генерал Ллойд Остины нэрийг дэвшүүлж байгаагаа зарлалаа. Ллойд  Остин нь АНУ-ын зэвсэгт хүчний Төв командлалыг тэргүүлж байсан армийн генерал юм. Жозеф Байден түүнийг өнөөгийн сорил бэрхшээлийг даван гарах чадвартай, шалгарсан удирдагч гэж үзэн ийм сонголт хийснээ тайлбарласан байна. Мөн Түүнийг, Ирак дахь цэргийн ажиллагаанд оролцсон Америкийн 150 гаруй мянган дайчныг буцаан татах туршлага стратеги ихээхэн шаардсан ажилд гол үүрэг гүйцэтгэсэн гэдгийг онцолсон байна.

Үүний зэрэгцээ Иракт төдийгүй бүс нутаг дахь Америкийн түншүүдтэй харилцаа тогтоох дипломат ажлыг ч онц сайн гүйцэтгэсэн гэж үнэлдгээ илэрхийлсэн байна.